भिवंडी दि.२६ ( गांवकरी TODAY NEWS ) शहरातील वंजारपट्टी नाका परिसरातील बागे फिरदोस मस्जिदीच्या पाठीमागील महाराष्ट्र डाईंगलगत असलेल्या फिरदोस सायजिंगला मंगळवारी सायंकाळी अचानक लागलेल्या आगीत लाखोंचा कपडा जळून खाक झाला आहे.तर दसऱ्याच्या मुहूर्तावर कामगार वर्गाला सुट्टी असल्याने सुदैवाने जीवितहानी टळली आहे.मात्र या आगीत सायजिंग मधील कपडा जळून खाक झाल्याने लाखोंचे नुकसान झाले आहे.भिवंडी महापालिकेच्या आपत्ती व्यवस्थापनाने दिलेल्या माहितीनुसार,शहरातील वंजार पट्टी नाका येथील फिरदोस सायजिंगला मंगळवारी सायंकाळी ८ वाजेच्या सुमारास अचानकपणे भीषण आग लागली होती.तर क्षणभरातच आगीने रौद्र रूप धारण केले होते.दरम्यान या आगीच्या घटनेची माहिती अग्निशमन दलाला मिळताच अग्निशमन दलाच्या २ गाड्या घटनास्थळी पाचारण करण्यात आल्या होत्या.तर अग्निशमन दलाच्या जवानांनी शर्थीच्या प्रयत्नांनी रात्री ११ वाजेच्या सुमारास आगीवर नियंत्रण मिळवले.या आगीत लाखोंचा कपडा जळून खाक झाला असून सुदैवाने दसरा असल्याने कामगारांना सुट्टी होती.त्यामुळे सदर आगीत मोठ्या प्रमाणात वित्तहानी झाली असून दसऱ्याच्या मुहूर्ताने कामगारांच्या जीवितहानीची दुर्घटना टळली आहे.आगीचे कारण अस्पष्ट असून या आगीच्या घटनेची नोंद निजामपूरा पोलीस ठाण्यात करण्यात आली आहे.
